QAZAQ AIR әуе компаниясы Түркістаннан Самарқанд қаласына 15 наурыздан бастап тікелей рейстер ашады. Халықаралық тұрақты рейс de-Havilland Dash 8-Q400 заманауи, жайлы әуе лайнерлерінде аптасына 2 рет келесі кесте бойынша орындалатын болады:
Жұма және жексенбі күндері (жергілікті уақыт бойынша):
IQ 509 Түркістан 20:20 – Самарқанд 21:20
IQ 510 Самарқанд 22:10 – Түркістан 23:10.
«Жаңа рейс Қазақстан мен Өзбекстан арасындағы сауда-экономикалық, мәдени, іскерлік және туристік ынтымақтастықты одан әрі дамытуға ықпал етеді», – деп атап өтті QAZAQ AIR баспасөз қызметі.
Әуе билеттің құны бір бағытқа 25 697 теңгеден басталады. Билеттерді www.flyqazaq.com сайтынан бүгіннен бастап сатып алуға болады.
